最近香港嘅天氣非常唔穩定，並且發出今年第一個黑色暴雨警告。面對不停嘅落雨，有人話依家係租客睇樓嘅好時機，更分享睇樓招式，幫助租客分辨到「漏水屋」。其實，業主及早做好單位嘅防滲漏工作，面對雨季都唔會出現問題，自然就可以輕鬆放租啦！
講到單位滲水漏水最嚴重嘅地方，當然就係「窗」啦，由其係一啲樓齡較高嘅大廈，窗戶已經出現老化，當落大雨嘅時候就會影響到單位。出現水漬、油漆剝落或者發霉嘅情況，租客見到呢種情況，就會打退堂鼓。今次就教下大家，點樣簡單補救窗戶，用家居日常用品，防止漏水滲水導致嘅影響出現。
【膠邊老化】
首先，要處理窗同窗框之間嘅防水膠邊，由於窗係會經常開合，膠邊就比較容易出現老化或者破損，當落雨嘅時候，雨水經過膠邊破損位置滲入屋內。要解決呢個問題，只需要一個膠袋就可以，將膠袋放喺窗同窗框之間，然後合實窗門，確保膠袋唔會移位，就可以解決膠邊老化出現罅隙嘅問題。
【接駁位置變形】
第二，窗邊同窗框因為長期日曬雨淋，導致出現變形，令接駁位置出現罅隙問題。呢個問題喺坊間搵答案，就會建議用保鮮紙處理，但其實作用唔大，因為保鮮紙太薄，而且容易變形，效果非常唔理想。處理呢個嘅方法同解決膠邊老化一樣，用膠袋放喺窗邊同窗框接駁位置，然後關緊窗門就可以。
【玻璃出現裂痕】
第三，玻璃出現輕微嘅裂痕或者損裂，都可以用較硬身嘅塑膠處理，例如塑膠文件夾，將文件夾放喺玻璃出現裂痕或者損裂嘅位置，再用防水膠布固定文件夾，就可以暫時處理裂痕或損裂位置嘅滲水。
【窗框同牆身出現裂痕】
如果窗框同牆身出現裂痕，情況可能會好嚴重，亦係最難處理嘅。因為雨水由牆身滲入，會造成發霉問題影響健康。臨時解決嘅方法可以用硬身嘅塑膠封住裂痕位置，或者直接用防水膠布封緊牆身，但亦未必完全防止雨水滲入。
當單位乾乾淨淨，窗邊又冇黑點、水漬、油漆剝落或者發霉嘅情況，自然吸引到租客啦。但如果要真正解決窗戶滲漏問題，當然係要搵合資格嘅師傅，做詳細嘅檢查同維修啦！
中原測量師行租務管理服務，除咗可以幫業主管理空置單位、揀選好租客、簽租約、處理單位維修問題外，亦可以協助業主收租、追租、處理糾紛等等。現時更推出「全方位免費家居檢查」服務，定期檢查出租嘅單位狀況，再迅速回應提出維修建議，詳情可致電免費諮詢熱線（852）2139 6698向中原測量師行租務管理服務查詢。
資料來源：網上資訊
----------------------------------------------
想了解更多租務管理服務，
歡迎致電：(852) 2139 6698
Whatsapp：(852) 5110 7006
Instagram：www.instagram.com/centalinesurveyors/
官方網站：www.centalinesurveyors.com.hk/
電郵：tenancy@mail.centanet.com查詢