top of page
  • 作家相片中原測量師行Centaline Surveyors

【生活百科】颱風後窗邊滲水 應該點樣補救?


颱風後窗邊滲水 應該點樣補救?
颱風後窗邊滲水 應該點樣補救?

今日香港凌晨時分,受到颱風海高斯嘅吹襲,天文台發出九號烈風或暴風風力增強信號,更維持咗幾個鐘頭。同時間有唔少人屋企嘅窗邊,出現滲水情況,導致部份近窗嘅傢俬受損,而且擔心日後窗邊牆身會出現發霉問題,影響日常生活同健康。咁打完颱風後窗邊滲水,應該點樣補救?

最快最直接嘅補救方法,就係喺窗邊滲水嘅位置用毛巾,或者用報紙即時吸雨水,防止雨水繼續流入屋內,減少影響範圍。之後就可以用吸水力超強又快乾嘅車用「鹿皮布」放喺縫隙處,堵塞鋁窗同老化膠邊之間嘅縫隙。呢啲都係即時補救嘅方法,但要完全根治問題,就必須要喺颱風之後,可以自行進行初步檢查,睇睇情況係點樣,如果係嚴重就要搵專業師傅進行檢查同維修。

一般情況下可以自行做一個簡單檢查:

檢查窗框同牆體  

首先檢查窗框同牆體嘅結合處,窗框可能因為日曬雨淋而導致變形,令鋁窗無法關閉。所以發現連接處有輕微變形,就可以將鬆動螺絲擰緊,如果變形嚴重就需要更換。

保持窗口排水槽暢通   

如果發現窗框排水槽淤塞而造成漏水,保持排水槽暢通就可以解決問題。但係排水口位置有問題,可能要封閉原來嘅排水口,再重新開窿。

膠邊防水層老化

膠邊防水層老化,就會導致窗框、窗身出現空隙,自然造成嘅漏水情況。解決方法就係將老化嘅膠邊防水層更換就可以,但唔建議自己更換,如果更換唔正確,有機會影響窗邊結構,滲水情況變得更嚴重。所以最好係搵專業師傅幫手。

如果單位係長期空置就要更加注意啦,由於單位長期冇人打理,萬一窗邊老化嚴重,打風之後導致單位出現漏水,影響全屋傢俬、地板、牆身等,就損失慘重啦。所以最好係搵專人定期巡視,確保單位所有設施正常,打風前確保空置門窗鎖好。如果你手頭上都有空置物業,不妨考慮吓揾專人「照顧」間屋啦。詳情可以向中原測量師行租務管理服務查詢,免費查詢熱線 (852) 2139 6698。

資料來源:網上資訊

________________________________________

想了解更多租務管理服務,

歡迎致電:(852) 2139 6698

Whatsapp:(852) 5110 7006

Instagram:www.instagram.com/centalinesurveyors/

官方網站:www.centalinesurveyors.com.hk/

電郵:tenancy@mail.centanet.com查詢

147 次查看
bottom of page