
話咁快又到「年廿八洗邋遢」嘅時候啦!不過都市人工作忙碌,要為屋企大掃除都幾麻煩!今次小編整合咗幾個重點位置清潔大法,大家要特別注意啦,可以慳返唔少時間、功夫啊!!
【廚房位置】
.抽油煙機係廚房嘅「重災區」,長期使用會積累大量油污,唔單止影響外觀,仲會降低性能。可以用專用嘅抽油煙機清潔劑,噴喺油煙機表面同內部,等待油污軟化之後,再用抹布或用刷進行擦拭清洗。
.將櫥櫃入面所有物品全部取出,清理掉過期食品、雜物等。用濕布擦拭櫥櫃內部嘅隔板、角落,去除灰塵和污漬,如有必要,可使用清潔劑。
.水槽會容易殘留食物殘渣同污垢,需用用刷仔細刷洗水槽內部,包括下水口周圍。水槽周邊嘅檯面亦會有水滴、污漬,要用抹布擦拭乾淨,保持乾燥,防止滋生細菌。
【洗手間位置】
.馬桶係衛生間最容易藏汙納垢嘅地方,除咗日常嘅沖水清潔外,年廿八要進行深度清潔。用強力清潔劑,倒入馬桶內,等清潔劑停留一段時間,再用馬桶刷仔細刷洗,最後沖水。
.淋浴區包括花灑、玻璃屏或浴簾等都需要清潔。花灑容易被水垢堵塞,可將花灑頭取下,浸泡喺白醋中 1 個鐘左右,然後再用清水去除水垢。玻璃屏或浴簾上有水漬,可用白醋或專用嘅玻璃清潔劑擦拭,然後用乾布擦乾,就可以光亮如新。
.洗手間檯面上會有牙膏漬、水漬、化妝品殘留等。可以喺濕抹布上撒上小蘇打粉清潔瓷磚與面盆,接縫處就可以用舊牙刷蘸取清潔劑刷洗,最後用清水沖洗。
【客廳位置】
.梳化嘅扶手、坐墊同縫隙係清潔重點。先用乾毛巾拍打去除浮塵,再用濕毛巾擦拭表面,坐墊同縫隙就可用吸塵器除塵,對於頑固污漬,就要用梳化清潔劑進行處理。
.地毯位置係好容易沾染灰塵、泥土等。可將地毯拎到室外進行拍打,去除灰塵,然後用吸塵器進一步清潔,或用地毯清潔劑進行局部污漬處理。
.玻璃窗可以用濕布蘸取適量洗潔精或白醋,簡單擦拭一次,就可以令玻璃更透亮。
【電器設備】
.洗衣機嘅內外筒之間、橡膠圈夾層、加料盒、排污口等部位容易藏汙納垢,滋生細菌。要用洗衣機清潔劑進行清潔,亦可以選擇拆機清潔或利用自潔模式。
.將雪櫃嘅食物取出,清理過期食品。然後用抹布蘸取酒精或者洗潔精進行清洗。用小毛刷清除雪櫃密封條處嘅殘渣,再用乾淨嘅抹布擦拭。
以上就係屋企家居清潔注意地方,大家不妨利用以上嘅方法,好好清潔屋企啦!
中原測量師行提供一站式 #租務管理 服務,包括代收租金、代發租單、處理屋內保養、解決業主同租客嘅爭拗,減少業主嘅煩擾。由揾租客到簽妥所有租賃文件,甚至出租後單位狀況,都有專人跟進。立即致電熱線 (852) 2139 6698查詢啦!
---------------------------------------------------------------------
租務管理服務
Chill住收租,煩惱Say No!
Email:tenancy@mail.centanet.com | Whatsapp:(852) 5110 7006