超強颱風逐漸逼近香港 防風措施要做足

超強颱風逐漸逼近香港 防風措施要做足

超強颱風距離香港越嚟越接近，而且強度達到山竹級數，市民需要提高警戒心、做好預防措施。預料天氣惡劣，吹烈風至暴風，有狂風大驟雨同埋雷暴。⛈️⛈️

市民要及早做好防風措施，保障自己同家人安全，避免屋企造成財物損失。大家可以參考以下「五大」防風措施：🌀🌀

🔖【窗戶加固】

．利用牛皮膠紙或皺紋膠紙，喺當風嘅玻璃窗以「米」字或「X」字形貼牢。即使玻璃破裂，都能減少爆破嘅風險，防止碎片傷人。

．檢查窗框同窗邊嘅膠條有冇老化或鬆脫，如果有問題，就要即刻更換或修補，增強窗戶嘅密封性。

🔖【鎖緊門戶】

．確保所有門窗，包括睡房、廚房、廁所嘅門，都關緊並鎖好。

．切勿因為裝有鐵閘而打開木門，可能導致室內空氣對流，減低室內氣壓，反而令玻璃更容易被強風吹破。

🔖【收納雜物】

．將露台、窗邊或室外嘅花盆、晾衣架、容易吹倒嘅雜物等都搬入室內。

．如物件體積過大難以搬動，務必用繩索固定喺地面或牆壁上等，避免被強風吹倒造成危險。

🔖【電器安全】

．將放置喺窗邊嘅風扇、抽濕機、拖板等同電力相關嘅物件移開，防止雨水滲入而造成危險。

．檢查冷氣機等連接外牆嘅電器係唔係穩固，如有鬆動應盡快處理。

🔖【排水暢通】

．清理屋內外嘅排水口，特別係露台排水口，確保冇雜物堵塞，避免造成水浸。

．住低窪地區嘅人士，要準備好沙包、防水膠袋等物資，同埋將電器家具抬高，以應對可能出現嘅水浸情況。

做好以上嘅防風措施，業主就可以安枕無憂啦！✨️✨️

萬一業主有空置單位，冇時間上門檢查處理或者身處海外，咁樣點算呢？業主可以將空置單位交畀專業租務管理公司幫手！💼💼

中原測量師行旗下租務管理服務，可以定期為業主嘅空置單位進行上門檢查、維修，就算打風落雨都冇有怕啦！即使單位出租咗比租客，我哋專業嘅租務管理團隊均可以為客戶物業妥善管理、跟進租客嘅租務問題。而且會每月向業主匯報物業各項事宜，再配合網上租務管理系統，業主就可以方便地掌握投資物業大小事項啦。歡迎致電(852)2139 6698查詢。📞📞

----------------------------------------------------

中原租務管理服務

https://www.centalinesurveyors.com.hk/tenancy-management

---

Chill住收租，煩惱Say No！

Email：tenancy@mail.centanet.com | Whatsapp：(852) 5110 7006

租務管理服務 | 追租, 收樓服務 | 常見租務問題