租客欠租要點做好？業主追租收樓「對與錯」
- 中原測量師行Centaline Surveyors
- 8月7日
- 讀畢需時 2 分鐘
業主遇到租客欠租，絕對係噩夢嘅開始。有業主想快啲止蝕，結果用錯方法搞到追租唔成，隨時連1蚊都收唔返！
點樣先做到快、狠、準，進行收樓？業主邊啲行為唔要得？
業主錯誤事項：
【一】過份仁慈
有業主太過仁慈，結果租客欠租由一日演變成幾個星期，甚至幾個月。欠租金額到達驚人數字！
【二】滋擾租客及身邊人
業主絕對唔可以對租客作出恐嚇、暴力或滋擾行為，否則屬於刑事罪行，可被判監同罰款。亦唔可以滋擾租客嘅在職公司、街上貼街招等行為，都係違法。
【三】擅自闖入單位或斷水、電、煤
業主嘗試斷水、電、煤方式，甚至擅自闖入出租單位，棄置租客個人物品，逼使租客交租離開出租單位。呢啲行為全部都係錯誤，更會構成侵擾罪。
業主正確做法：
【一】即時行動
租客欠租超過15日，業主就可以採取法律行動，向小額錢債審裁處追討欠租(不多於7.5萬租金) ，超過限額就要入稟區域法院。同時向土地審裁處申請收回物業單位，申請需時3-4個月時間。
【二】確保租約已經打釐印
業主向土地審裁處/小額錢債審裁處提出追租申請時，租約冇打釐印係會被拒絕申請。因為冇打釐印嘅租約係唔受認可！業主需要補打釐印，及支付相應的罰款。
【三】向土地審裁處申請收回物業
申請收回物業過程係非常繁複，需要遞交收樓申請、到出租單位貼門口紙、申請判決書、申請收樓令狀、向執達主任申請執行收樓令等。最後由執達主任陪同下進入單位，萬一遇到租客反抗，執達主任會代為報警處理。
所以業主們當面對租客欠租，就要記清楚邊啲事係「對與錯」啦！
想處理好收樓問題，中原租務管理團隊熟識相關追租收樓程序，為業主提供意見並協助業主向土地審裁處申請收樓令。同時提供一站式嘅貼心管理服務！就算業主身處內地或海外、工作繁忙，都能夠免卻業主一切煩惱。而且我哋仲有網上租務管理系統，令業主隨時了解單位情況！歡迎致電(852)2139 6698查詢。
----------------------------------------------------
追討欠租, 收樓服務
Chill住收租，煩惱Say No！
Email：tenancy@mail.centanet.com | Whatsapp：(852) 5110 7006
留言