一文看清租霸特徵 + 租客欠租收樓程序

做業主最怕遇到租霸，租霸會惡意佔用、破壞單位，拖欠租金、甚至唔交租拒絕搬遷外，業主仲要嘥時間處理收樓程序。今次為大家介紹租霸特徵，提早辨識「租霸」進行篩選，同埋正確嘅收樓程序！💥💥

留意「租霸」特徵，業主揀選租客時要好好防範：

●無工作入息證明（自稱自僱人士避開審查）

●以有限公司名義簽約（日後可通過清盤逃債）

●願意支付高於市價嘅租金，同時要求收繳交更少嘅按金上期

●要求安排週末簽約（利用銀行休息日子避開支票付款問題）

●提出無理要求

●簽租約搵他人代簽

●欠租1-2個月後會「失蹤失聯」

假如租客有以上其中一項嘅行為，業主就需要提高警惕。如果租客欠租超過15 日，業主便可向法庭啟動收樓程序收回物業，以下係五個正確步驟：

1.確保租約有打釐印：

第一步需確認租約有打釐印、向差餉物業估價署遞交表格CR109。租約冇打釐印同遞交表格，業主就唔可以用租約作為證據，採取法律行動、影響收樓步驟。

2.提交收樓申請：

向土地審裁處遞交申請通知書、身份證、租約正副本等文件，申請執行令。

3.張貼門口紙通知：

業主需要將通知書副本寄給租客，仲要連續3日喺單位門口張貼通知書副本，列明欠租繳納限期。

4.申請收樓令：

若果租客收到通知書之後，7日內冇提出反對答辯，業主獲得判決書之後，就可向土地審裁處申請收樓令狀。

5.執行收樓：

批出收樓令之後，安排執達吏執行法院命令，收回欠租單位。所需時間會視乎每一區執達吏嘅排期，平均需要等待一至兩個月時間。

記住！記住！業主千祈唔好擅自趕走租客或斷水斷電，否則會違法。所以提前識別租霸特徵、按法律程序正確收樓，咁先係最大程度減少損失。😉😉

中原租務管理服務能夠協助業主收租、代發租單、處理屋內維修保養、解決租務糾紛同租客欠租問題等。而且我哋嘅租務管理系統，更可以讓你隨時隨地了解現時出租物業的情況，例如租客有沒有準時交租，了解物業維修進度等，由揾租客到簽妥所有租賃文件，甚至出租後單位狀況，都有專人跟進，提供貼心嘅「全方位」租管服務。🥰🥰

歡迎致電 (852)2139 6698查詢。 ☎️☎️

---------------------------------------------------------------------

租務管理服務

Chill住收租，煩惱Say No！

租務管理服務 | 追租, 收樓服務 | 常見租務問題

最新文章