近日房屋局公佈「簡樸房」具體標準建議，方案亦即將展開公眾諮詢。當政策實施後，出租冇獲認證嘅「簡樸房」、或獲得認證但被發現未合符標準嘅單位，一經定罪最高罰款30萬元及監禁3年。
「簡樸房」規管草案獲立法會通過之後，將接受為期1-1.5年嘅登記，之後就會對唔合標準嘅劏房執法。至於登記為合標準嘅單位，就有12至24個月寬限期改建為「簡樸房」。而「簡樸房」認證有效期為5年，之後每5年要提交專業人士核准，先可以繼續出租單位。
房屋局所訂立「簡樸房」八大標準，內容係點樣呢？
【一】樓面至少86呎：可擺放單人床或「碌架床」、有獨立廁所、通風窗戶、基本起居空間
【二】樓底至少2.3米：以杜絕「閣樓房」、「樹屋」等唔適切嘅居所
【三】走廊闊度符合消防標準：設有獨立火警偵測器、房間最少連接兩條出口樓梯、「簡樸房」須以耐火分隔牆分隔逃生出口樓梯
【四】間隔牆或地台符合荷載標準：工程必須符合《建築物條例》（第 123 章）所訂的樓宇荷載標準
【五】至少一扇窗非面向圍封天井：至少有一扇可開啟的窗戶，須面向街道、通道巷、庭院、半圍封天井等
【六】住戶專用獨立廁所 「黑廁」要通風：須設有獨立廁所，供住戶專用之餘，亦要同居住空間、廚房分開，而屬於「黑廁」就要有照明系統、每小時換氣嘅機械通風設施
【七】唔應該有明火煮食：唔會強制要求每個「簡樸房」設有廚房，「簡樸房」同其他單位內嘅公共地方，唔應設有明火煮食裝置，減低火警風險
【八】獨立水電錶：確保住戶唔會被濫收水電費，每個「簡樸房」要由水務署同電力公司提供獨立水電錶
中原測量師行租務管理團隊為業主提供最全面嘅一站式租務管理服務，只需一個價錢，包括管理放租物業、收租管理、代發租單收據、物業續租、解決租務糾紛。達到提升物業價值的目標，讓業主安心賺取投資回報。
歡迎致電(852)2139 6698查詢，或者Click下面我哋網址了解更多！
---------------------------------------------------------------------
租務管理服務
Chill住收租，煩惱Say No！
Email：tenancy@mail.centanet.com | Whatsapp：(852) 5110 7006