買樓收租已經成爲唔少人嘅目標。成功買到樓，業主第一次出租單位，新手上路難免會比較慌張同擔心。因爲怕自己遇到租霸欠租，收唔返層樓；或者驚租客唔愛惜自己單位，收樓嘅時候狀況不堪入目。咁新手業主出租單位，點先可以保障到自己呢？
【評估單位狀況】
首先，業主出租單位之前，可以先評估自己單位嘅現有狀況，同埋内部喉管、家電設備係唔係運作正常。如果發現單位有任何問題，業主應該盡快喺出租前作出適當維修，以免出租後遇上更大問題。例如單位喉管出現滲水情況，就應該揾師傅徹底維修、更換，否則出租後先發現，相約租客上門檢查同報價嘅話，難度就會大增，最差嘅情況更會引發租務糾紛。
【記錄家電資料】
當業主同租客交收物業時，業主同租客都可以影相、製作家電清單，記錄單位電器嘅狀況資料，減少雙方喺租賃生效之後產生紛爭。業主亦應該同租客保持良好關係，租客先會同業主好好溝通。相反，若果單位內發生問題，例如係接獲屋宇署發出嘅復原違例建築命令，租客唔理會業主，冇依照時間好好遵從，業主就有機會遇上法律責任同被判罰款。
【購買出租保險】
業主亦可以選擇購買出租保險，為物業單位提供多一重保障。出租保險主要喺保障，租客拖欠租金時，補償追租同收回物業時所產生嘅法律費用。而部份保險亦有包括家居部份，例如係保障租客惡意破壞嘅損毀費用，同保障裝修工程期間，因意外導致嘅家居財物損失。每年保費亦只係數百元起，值得考慮。
中原測量師行租務管理服務，就可以解決業主同租客嘅租務糾紛，同租客欠租問題，減少業主嘅煩擾。除此之外，我哋可以幫助業主管理單位，收取租金、代發租單、處理屋內保養等，更有提供租金保障同財物保險等服務，詳情可致電免費諮詢熱線（852）2139 6698向中原測量師行租務管理服務查詢。---------------------------------------------------- 想了解更多租務管理服務， 歡迎致電：(852) 2139 6698 Instagram：www.instagram.com/centalinesurveyors/ 官方網站：www.centalinesurveyors.com.hk/ 電郵：tenancy@mail.centanet.com查詢