【租務知識】租客想喺「死約」期退租 業主應點處理？
- 中原測量師行Centaline Surveyors
- 1天前
- 讀畢需時 2 分鐘
租約上有一個「死約」期，照道理租客一定要履行「死約」期之後，先可以正式提出退租搬離單位。不過實際情況下，若果租客有特殊原因，例如離港發展、買咗樓等，唔再繼續租住而提出退租，業主可以參考以下處理方式。
【理想情況 達成退租協議】
如果租客主動提出退租，並願意賠償 1 - 2 個月租金作為違約補償，對業主而言係較為理想嘅解決方案。因為接受賠償之後，業主可以將單位重新出租，減少空置損失，避免同租客產生糾紛。雙方達成協議之後，需簽署一份嘅退租協定，詳細列明退租時間、賠償金額、單位交接等條款，作為租約提前解除嘅合法依據。
【協商唔到 棘手局面】
當雙方未能就退租事宜達成共識，可能出現糾紛，租客執意退租對業主表達不滿
，可能會以欠交租金、甚至失聯等方式表達不滿。呢個時候，業主只可以用法律途徑收回單位，即係向土地審裁處申請收樓程序。但需注意，法律程式需時較長，通常要 3 - 4 個月先可以完成，而成功收回單位，都要花時間金錢執修單位再出租。所以除非逼不得已，建議業主優先嘗試同租客協商解決，爭取實現雙贏局面。
如果業主你喺租務上有疑難，或者正面對租客欠租問題，我哋中原測量師行租務管理幫到你！我哋可以協助業主代收租金、處理屋內保養、解決業主同租客嘅爭拗，解決欠租收樓問題、減少業主嘅煩擾。由揾租客到簽妥所有租賃文件，甚至出租後單位狀況，都有專人跟進，提供貼心嘅「全方位」租管服務。歡迎致電(852)2139 6698查詢。
---------------------------------------------------------------------
租務管理服務
Chill住收租，煩惱Say No！
Email：tenancy@mail.centanet.com | Whatsapp：(852) 5110 7006
Comments