【對付租客欠租】安排執達吏收樓有以下5大步驟

踏入暑假嘅租務旺季，租金不斷創新高，部分地區更一盤難求！不過租客欠租嘅情況，亦有上升嘅趨勢。要對付租客欠租，喺香港唯一做法就係以法律程序進行收樓。絕對唔可以斷水斷電、擅自闖入單位方式，強迫租客交租，咁係犯法㗎！

業主要安排執達吏收樓，有以下5大步驟：

【一】入稟追討欠租

如果租客欠租超過 15 日，業主即可入稟追討欠租/申請收樓。前提係記得確認租約已經打釐印，同提交CR109表格。

【二】提交收樓申請

業主已經決定收回單位，可以填寫申請表表格，向土地審裁處申請執行令狀。

【三】向租客發出通知書(貼門口紙)

業主提交申請後7日內，要向租客放送一份副本。同時，要將《致實際管有或居住者通知書》副本，連續3日張貼喺單位門口（即貼門口紙）。

【四】申請判決書同申請執行收樓令

假如租客唔提出反對，業主可以申請判決書，再向土地審裁處申請收樓令狀。要

批出收樓令，大約要等一個星期，業主就可以向執達主任申請執行收樓令。

【五】上門收樓

申請收樓令之後，執達吏一般會喺1至2星期內，上門通知租客必須遷出。如果租客7日後仍未離開，執達吏就會發出《最後遷出通知》，知會租客嘅收樓日期。正式收樓當日，執達吏會同業主一齊上門，如果唔能夠開門，隨行嘅鎖匠會破門而入。萬一遇到租客反抗，執達吏會代為報警處理。

以上就係欠租收樓程序嘅5個步驟，不過步驟的確繁複、耗時，整個收樓程序可能會花費3-4個月時間。甚至有部分業主唔識得處理申請步驟，結果令租客欠租長達10幾個月，蒙受大額租金損失。

想處理好收樓問題，中原租務管理團隊熟識相關追租收樓程序，為業主提供意見並協助業主向土地審裁處申請收樓令。同時提供一站式嘅貼心管理服務！就算業主身處內地或海外、工作繁忙，都能夠免卻業主一切煩惱。而且我哋仲有網上租務管理系統，令業主隨時了解單位情況！歡迎致電(852)2139 6698查詢。

----------------------------------------------------

追討欠租, 收樓服務

Chill住收租，煩惱Say No！

租務管理服務 | 追租, 收樓服務 | 常見租務問題

最新文章