【租務知識】一般出租住宅單位 業主需要提供幾多日「免租期」？
- 中原測量師行Centaline Surveyors
- 1月21日
- 讀畢需時 1 分鐘
已更新：1月22日
一般出租住宅單位，業主需要提供幾多日「免租期」比租客呢？唔提供「免租期」又得唔得呢？
可能有人覺得係七日、或者有人覺得係要提供兩星期嘅「免租期」！
現行法例上，其實冇規定業主一定提供「免租期」比租客，所以「免租期」嘅長短，都係由業主租客雙方商討租約時候決定。至於市場上一般做法，大多數住宅單位嘅「免租期」都係大概三日至一個星期。業主比租客提前搬入單位，豁免呢段時間嘅租金，等租客可以有時間準備搬屋、裝修等等。
而當業主提供「免租期」，有一點要謹記。就係將「免租期」包括喺租期上，並列明喺租約裡面。令租客喺「免租期」期間，雙方都受到租約條款約束，保障雙方利益。
如果業主對於「免租期」有任何問題，或者你正面對租務煩惱，中原測量師行租務管理幫到你！我哋可以協助業主代收租金、處理屋內保養、解決業主同租客嘅爭拗，解決欠租收樓問題、減少業主嘅煩擾。由揾租客到簽妥所有租賃文件，甚至出租後單位狀況，都有專人跟進，提供貼心嘅「全方位」租管服務。歡迎致電(852)2139 6698查詢。
---------------------------------------------------------------------
租務管理服務
Chill住收租，煩惱Say No！
Email：tenancy@mail.centanet.com | Whatsapp：(852) 5110 7006
Comments