追租收樓 【三部曲】
- 中原測量師行Centaline Surveyors
- 1月1日
- 讀畢需時 2 分鐘
已更新：4月9日
受經濟環境嘅打擊影響下，部份行業嘅活動因此而受到限制，收入亦隨之減少，所以導致租務環境出現變化。唔少租客因爲經濟收入不穩，希望業主能夠減低租金水平，幫助自己渡過難關。
但最近有唔少報道指出租客利用收入減少為理由，直接拖欠租金，成爲租霸。業主就只能透過法律途徑，進行追租收樓。如果你不幸被租客拖欠租金，咁到底申請收樓應該要準備啲咩呢？大約需要等幾耐先可以完成整個收樓程序呢？
追租收樓 【三部曲】
【一】 提交申請通知書
申請收樓嘅第一步，就係要到土地審裁處提交申請通知書。申請人要帶同已經「加蓋印花嘅租約」以及其他租賃文件，一併交到審裁處登記。當填妥表格，同入稟申請所需嘅費用後，就要將通知書副本寄俾租客。然後要連續三日到出租單位門口貼上通知書副本，完成後再喺三日內返到土地審裁處宣誓。
【二】 申請判決書
如果租客喺收到申請通知書七日內作出反對，就需要排期等候聆訊，大約花費半個月或以上嘅時間。相反如果租客冇提出反對，業主可以喺冇答辯情況下，申請得直令，大約等2-3日就可以收到判決書。
【三】上門收回單位
得到判決書之後就要申請收樓令狀，由執達主任執行法院命令收回單位。所需時間會視乎當區執達主任嘅排期，平均大約等候一至兩個月時間，執達主任就會連同業主，一齊上門收回單位。個別情況亦需要安排鎖匠一同上門，方便破門入屋。
如有疑問，你可以致電免費熱線（852）2139 6698，向我們中原租務管理服務查詢！
----------------------------------------------
Chill住收租，煩惱Say No！
תגובות