工廈旅館無牌經營違反建築物條例

「住宿度假」（staycation）成爲一個消遣熱潮下，唔少人選擇喺酒店房間開派對、消遣、玩樂。但有傳媒調查發現，有唔少民宿係棲身工廈內，涉嫌經營無牌旅館，違反建築物條例。同時，喺第四波新冠肺炎疫情下，成爲防疫漏洞。

傳媒指出，旅館房間面積約500平方呎，設有雙人床、衛浴設施、基本電器同遊戲機等。旅館負責人全程都唔會現身，只會透過訊息發放地址同入住程序，到單位後，輸入密碼就可以入去。不過房間衛生情況欠佳、走廊後樓梯堆滿雜物、大廈内有多間迷你倉，容易發生意外。

其實根據現時香港法例同工廈地契，工業大廈係唔可以用作住宅用途，所以「工廈旅館」已經犯咗經營或管理無牌旅館刑事罪行，最高可被罰款20萬元同監禁兩年。工廈要改作酒店、旅館或另類用途就要向政府就更改用途，提交地契修訂或豁免書申請。

與此同時，工廈改變用途亦需要顧及消防安全，以工廈改建旅館為例，若果無牌經營旅館，即可能旅館範圍內嘅消防設施有不足，或者走火通道未必符合規格，一旦火警發生，對入住嘅旅客未必有保障。

業主想改變工廈單位用途，可以先諮詢中原測量師行意見，我哋嘅專業測量師團隊，喺處理土地申請等行政事務上經驗豐富，能提供多方面專業意見，歡迎致電(852) 21396622。

資料來源：網上資訊

----------------------------------------------

想了解更多專業估價及產業測量服務，

歡迎致電：(852) 2139 6622

電郵：surveying@mail.centanet.com

工廈旅館無牌經營 違反建築物條例