• 中原測量師行Centaline Surveyors

工廈「非工業」用途合法化



疫情下,香港經濟受到衝擊,有部份行業嘅員工收入大減,甚至被迫放無薪假期。爲要彌補收入損失,所以好多人都開設網上貿易平台公司,進行網上貿易生意。


唔少開設呢類公司嘅人士,為節省營運成本,會租用工廠大廈單位作辦公室之用。不過要小心,此舉隨時會違反地契上「工業/貨倉」用途限制,地政總署會要求業主馬上還原作合法用途。


呢個情況其實係經常會發生,因爲一般而言,好多人租用一個工廠大廈單位作爲辦公室,往往會忽略大廈地契嘅限制。而所有物業地段上,都會有一份地契/新批租約以管制其地段上建築物之發展條件,當中包括整幢物業或物業中各單位嘅合法用途。相關嘅審批、監察巡視、執行違規等,都係由地政總署負責。


加上現時香港工業式微,令到更多人會用工廠單位作非工業用途,但就唔知道當中涉及嘅用途限制,更加唔知道後果嘅嚴重性。其實,只要業主或租客向地政總署恰當地申請用途豁免書,即可使「非工業」用途合法化。當然,申請背後,地政總署亦會審視確實申請用途,去決定係唔係批准該申請。一般嚟講,如果申請用途唔涉及人流或者顧客嘅往來,成功申請嘅機會將比較大。所以,建議購買或租用工廈之前,最好先咨詢一啲專業意見,避免遇到不必要嘅麻煩。


如果你對工廈「非工業」用途合法化有任何問題,可以向中原測量師行專業估價及產業測量部查詢,請立即致電免費查詢熱線 (852) 2139 6622。

---------------------------------------------------- 想了解更多專業估價及產業測量服務, 歡迎致電:(852) 2139 6622 Instagram:www.instagram.com/centalinesurveyors/ 官方網站:www.centalinesurveyors.com.hk/ 電郵:surveying@mail.centanet.com查詢

#中原 #中原測量師行 #住宅 #工廠大廈 #單位 #辦公室 #工業 #貨倉 #用途 #限制 #合法化 #業主#資產 #專業估價及產業測量部

168 次瀏覽0 則留言