香港爆發第三疫情後，樓市依然高企，有出租單位「疫市」加租，甚至出現一個新趨勢。就係工廈單位「一劏五十」，每間房約有60平方呎，全部共用一個廚廁，更有傳媒揭發，住戶嘅衛生環境極度惡劣，垃圾桶充滿糞便異味，隨時可能會爆發另一個感染群組,而業主亦會違反《建築物條例》。
因為工廈嘅《建築物條例》規定，唔可以用作居住用途，除非業權人已經獲批更改或豁免有關用途條款，否則會被視作違反地契，倘若業權人未能糾正違契事項，工廈單位就會遭到「釘契」，甚至將有關物業收回轉歸政府，租客亦須離開工廈。同時，要注意「工廈劏房」係危機四伏！
▼ 保安欠佳
除咗「住客」之外，平時都有其他街外人，出入工廈，令人質疑大廈保安係唔係安全。
▼ 消防設備欠佳
有好多工廈入面混合咗商業、工業等用途，所以消防設備同規劃都欠佳。萬一遇上火警，家具同雜物等會被燒著，對性命同財產都有危險。
▼ 衞生欠佳
「工廈劏房」係強制將空間劃分成唔同嘅房間，但空氣並唔對流，會增加細菌傳播嘅風險。加上同一層會共用洗手間設備，對個人衞生可能有影響。
▼ 單位滲漏
基於成本考慮，「工廈劏房」嘅間隔材料、質素都比較差。如果近窗邊嘅位置，就容易出現滲漏情況，損害家具。
如果你都對更改工廈用途、豁免有關用途條款或對強拍條例有任何疑問，不妨同我哋聯絡，歡迎致電(852) 21396622同中原測量師行專業估價部查詢。
資料來源：網上資訊/中原測量師行
----------------------------------------------
想了解更多專業估價及產業測量服務，
歡迎致電：(852) 2139 6622
Instagram：www.instagram.com/centalinesurveyors/