中原測量師行Centaline Surveyors
2021年5月11日
當測量師出席一啲舊樓聯售大會嘅時候，都會被業主問到同一問題，就係點解我單位嘅實用面積會細咗？點解我所知嘅面積同差餉物業估價署所提供嘅面積會有明顯差別？
首先我哋要清楚知道實用面積嘅定義同計算方法。根據現時香港測量師學會嘅量度作業守則，當中提及到，實用面積係指單獨分配予該單位嘅樓面面積，唔包括任何公共地方嘅面積，例如升降機大堂、樓梯等，都唔計算在内。至於單位圍墻嘅面積，如果圍墻係同相連單位共同擁有嘅話，圍墻面積就會平均分配。另外，若果圍墻同公共地方相連，單位就會分配得呢幅圍墻嘅所有面積。
而差餉物業估價署係會公開住宅單位相關嘅實用面積數字，目的係作為評估差餉地租用途。當估價署為一個單位評定實用面積嘅時候，係會按照該單位實際嘅佔用情況作準則，即係單位有任何僭建或者改建嘅部份，都會有機會將實用面積計算在内。相反，一般嘅聯售或者收購，實用面積係根據屋宇署批核嘅建築圖則為準，所以任何僭建或違規建築將唔會列入實用面積內。
想知更多，可以向中原測量師行專業估價及產業測量部查詢，請立即致電免費查詢熱線 (852) 2139 6622。
----------------------------------------------------
想了解更多專業估價及產業測量服務，
歡迎致電：(852) 2139 6622
Instagram：www.instagram.com/centalinesurveyors/
官方網站：www.centalinesurveyors.com.hk/
電郵：surveying@mail.centanet.com查詢
#中原 #中原測量師行 #物業 #收購 #實用面積 #違規 #僭建 #屋宇署 差餉物業估價署 #業主 #資產 #專業估價及產業測量部