top of page
  • 作家相片中原測量師行Centaline Surveyors

租霸欠租兩年 但業主身處外國追唔到租! 點算好?



【租霸欠租兩年 但業主身處外國追唔到租! 點算好?】


如果租客更已經欠租兩年,又唔肯搬走,真係欲哭無淚。呢個境況你以爲唔會發生,最近就有業主遇到以上情況啦!


事源因為業主長期居於外國,而香港嘅出租物業卻不幸遇上租霸,已經兩年冇交租、又唔肯搬走。最慘係自己冇辦法親身上門處理,雖然香港嘅屋企人有嘗試協助上門追租,但對方就用各種藉口拖延。又唔可以强行趕走租客,覺得非常無助。


業主亦將事件發放上討論區,尋求其他網民協助,解決問題。得到嘅答案例如:「懸紅叫人處理」、「貼大頭街招」、「斷水斷電」等等。但以上嘅解決方法,當然係錯誤啦,而且更有機會畀租客反告,控告業主滋擾。喺香港唯一處理收回物業單位嘅正確方法,就係去土地審裁處申請收樓程序,跟足所有程序,用大概兩至三個月就可以真正收回單位,趕走租客。


所以業主遇上租霸就要盡快去申請收樓,減低損失!若果業主身處外國,唔能夠返香港處理相關申請、收樓程序。或者面對租客欠租,對於程序唔係太認識,亦可以尋求專業人士協助。


中原測量師行租務管理服務除咗可以幫助業主收取租金、代發租單、處理屋內保養、解決業主同租客嘅爭拗或租客欠租問題等,為業主提供專業意見,減少業主嘅煩擾。詳情可致電免費諮詢熱線(852)2139 6698向中原測量師行租務管理服務查詢。


_______________

Chill住收租,煩惱Say No!


124 次查看
bottom of page