業主出租單位，最理想當然係要揾收入穩定嘅人士啦，可以確保對方有交租能力。但最近租霸討論區上有一個熱烈討論，就係業主竟然遇到一個大話租霸，自稱係一間大型嬰兒用品店老闆，分店多達30幾間。
點知業主租出單位後，租客就大話連篇，每個月都有唔同理由要延遲交租，最後租客扣埋按金後都仲欠租5個月。更凄慘嘅係業主租出單位前，全屋新裝修，收返單位時全屋都係垃圾同殘舊傢俬電器，租客甚至偷埋業主新做電視組合櫃，令業主欲哭無淚。
其實業主將單位出租之前，絕對唔可以單憑租客嘅外表、自稱、良好表現，就認爲係好租客。必須要查核租客嘅身份背景，同埋收入證明，避免租客以唔同自稱嘅藉口，就令業主跌入租霸陷阱。其次就要上租霸黑名單網站，搵下準租客會唔會喺入面。仲要留意準租客有冇任何異樣，例如唔商討租金、趕緊入住、主動提出較高租金或者一次交多個月嘅租金等等，吸引業主租出單位，對方可能就係租霸。 中原測量師行租務管理服務，除咗可以幫助業主收取租金、代發租單、處理屋內保養、解決業主同租客嘅爭拗或租客欠租問題等，減少業主嘅煩擾之外。我哋更有提供租金保障同財物保險等服務，詳情可致電免費諮詢熱線（852）2139 6698向中原測量師行租務管理服務查詢。
----------------------------------------------
想了解更多租務管理服務，
歡迎致電：(852) 2139 6698
電郵：tenancy@mail.centanet.com查詢