三人合租單位 仲要冇入息證明 你會唔會租樓畀佢哋？
- 中原測量師行Centaline Surveyors
- 2021年4月29日
- 讀畢需時 2 分鐘
已更新：2022年11月17日
如果你係業主，有三個人想合租你個單位，一對情侶加一位佢哋嘅好朋友。但係只有其中一人能提供入息證明，其餘兩個都係聲稱有工作，不過冇入息證明，而且更表現得好趕急，想合租租住單位。喺呢個情況下，你又會唔會租畀佢哋呢？
呢個問題喺網上討論區造成一個熱烈討論，而且意見係一面倒，唔建議業主租畀呢三個人。其實，業主出租單位都要識得自保，避免遇上租霸。如果租客係幾個人合租，假如其中一人出現分歧或者意見不合，離開單位。好自然租客就會欠租變成租霸。其次係合租人出示唔到入息證明，只憑口講自己有工作，加上心急租住單位嘅意欲，可能對方係職業租客，被前業主追趕欠租急需單位入住。
所以業主一定要知道對方背景，除左基本透過言談衣著觀察租客外，業主必須要知道對方以下嘅資料：
● 入住人數
● 入住租客嘅關係
● 工作背景，最好提供到入息證明（如糧單），情況許可下可致電租客任職公司確認身份
● 租客家庭背景
● 過往交租紀錄（如銀行結單）
● 係唔係有養寵物
因此業主將單位出租之前，絕對唔可以單憑租客嘅外表、職業或出一個好價錢，就認爲係好租客。必須要知道租客以上嘅資料，避免遇到租霸同時保障自己單位。
中原測量師行租務管理服務，除咗可以幫助業主收取租金、代發租單、處理屋內保養、解決業主同租客嘅爭拗或租客欠租問題等，減少業主嘅煩擾。詳情可致電免費諮詢熱線（852）2139 6698向中原測量師行租務管理服務查詢。
______________________________
想了解更多有關中原租務管理服務
Comments