現時香港經濟唔穩定，有商店結業或者進行裁員，呢個情況對業主嚟講係一個考驗。最近有業主群組就發文，租客欠租數量不斷上升，因為唔少租客以香港經濟差為理由，要求業主大幅減租。
雖然有業主願意減租，但更多嘅情況係業主同租客發生爭執，喺減租嘅問題上達成唔到協議，租客就開始欠租，甚至欠租長達幾個月，當聯絡租客嘅時候就永遠搵佢唔到。
業主面對住呢種嘅情況，真係好無奈。租金又收唔到、人又搵唔到，單位情況係點又唔知，唯一嘅辦法就係用法律途徑收樓。而業主要正確合法嘅途徑收樓，必須遵守以下步驟：
第一)提交申請通知書 業主可以到土地審裁處提交申請通知書，文件需要包括已加蓋印花嘅租約同其他租賃文件，一併交到審裁處登記。填妥表格同交咗申請費用之後，就要將通知書副本寄俾租客。然後要連續3日到單位門口貼上通知書副本，完成之後再要喺3日內到土地審裁處宣誓。
第二)申請判決書 如果租客喺收到申請通知書，可以喺7日內作出反對。相反，如果租客冇提出反對，業主就可以喺答辯情況下，申請得直令，大約2-3日就可以收到判決書。
第三)收回出租單位 拎到判決書之後就要申請收樓令狀，再由執達主任執行法院命令收回單位。需時大約等1-2個月，視乎執達主任行程安排。當約定時間後執達主任就會連同業主，一齊上門收回單位。個別情況亦需要安排鎖匠一同上門，方便破門入屋。
所以業主面對租客欠租，想拎返單位就要注意以上幾點啦。如果你喺收樓過程上遇到任何嘅疑難，或者想搵專業人士幫手收樓，中原測量師行租務管理服務提供一條龍式嘅收樓服務，幫你收樓，快捷方便，而且按段收費。詳情可致電諮詢熱線（852）2139 6698向中原測量師行租務管理服務查詢。 ---------------------------------------------- 想了解更多租務管理服務，
歡迎致電：(852) 2139 6698