「強拍」呢個名詞，相信大家一定有聽過啦，無論喺新聞報道、報章、地產資訊、政府政策上，都經常會提到「強拍」。但相信一般市民對「強拍」都係一知半解，甚至會認爲唔關自己事，其實「強拍」係會關聯到一般市民身上，特別係舊樓業主，就一定要清楚了解咩叫「強拍」啦！
首先，大家要知道「強拍/強制拍賣」, 全名《土地（為重新發展而強制售賣）條例》。目的就係希望透過收購整棟舊樓大廈，重建改善高齡樓宇嘅情況同埋提高土地使用效率。亦即係只要發展商，集齊某舊樓九成或以上嘅業權，就可以向土地審裁處申請強制拍賣。（題外話：2020年土地審裁處接獲35宗引用條例申請強制拍賣物業申請，即使爆發新冠肺炎疫情，强制拍賣仍然處於高位。）
但坊間上有唔少人對「強拍」係有誤解，最常見嘅誤解就係「強拍」，只係強制出售發展商未成功收購嘅業權，導致唔少業主擔心自己單位會賤賣，因此有舊樓業主對「強拍」相當反感。但事實上並唔係咁樣！
因爲發展商進行「強拍」，係需要先統一業權並且要以公開拍賣形式出售，再按現值比例攤分。舉個簡單例子，一幢六層高嘅唐樓，地舖現值為500萬，樓上五層分別為100萬，成幢大廈總值1,000萬，因此樓上每層佔整體十分一。假如大廈經公開拍賣後，最後嘅拍賣價錢係賣到一億，咁樓上每層業主，就可以從拍賣收入分得1,000萬。所以舊樓業主就一定要清楚啦！
中原測量師行可以為獨立人士或集體客戶提供聯合及全幢物業出售、併購及收購等服務，同時為顧客研究物業嘅重建潛力，解決及調和業主之間嘅紛爭，爭取業主全體參與，透過招標或私人邀約方式，為業主尋求合適買家。
想知更多，可以向中原測量師行專業估價及產業測量部查詢，請立即致電免費查詢熱線 (852) 2139 6622。
---------------------------------------------------- 想了解更多專業估價及舊樓收購合併服務， 歡迎致電：(852) 2139 6622