相信大家對迷你倉應該都唔陌生，甚至有唔少家庭都有租用迷你倉嘅習慣，放置有紀念價值或者唔想棄置嘅大型物件，免得阻礙狹窄嘅屋企，變得更加擠迫。不過喺租用迷你倉前，咁你又知唔知呢個迷你倉，符唔符合地契條款或者合法？
根據城市規劃委員會嘅定義，迷你倉係屬於「非污染工業用途」，而喺「工業」地帶或「其他指定用途(商貿)」地帶內，都屬於經常准許嘅用途。所以，除咗建築物條例及消防條例外，地契條款成為決定性嘅要素。
大部份嘅迷你倉都位處工業大廈内，而工業地段地契用途限制主要係「工業」或「工業及/或倉庫」。根據地政總署嘅條例下，寄存一般嘅個人或家居貨物，即使並非傳統工業貨倉所寄存的商品，係唔會違反地契內「倉庫」用途，所以「工業及/或倉庫」用途係容許迷你倉經營。相反，工業大廈嘅地契係「工業」用途，咁樣業主同租客就需要向地政總署申請豁免書，或者需要申請修改地契條款，令迷你倉用途合法化。
如果日後租用迷你倉前，都建議先查清楚單位用途背景，就可以減省換倉所帶來不必要嘅麻煩啦！想知更多，可以向中原測量師行專業估價及產業測量部查詢，請立即致電免費查詢熱線 (852) 2139 6622。
---------------------------------------------------- 想了解更多專業估價及產業測量服務， 歡迎致電：(852) 2139 6622 Instagram：www.instagram.com/centalinesurveyors/ 官方網站：www.centalinesurveyors.com.hk/ 電郵：surveying@mail.centanet.com