• 中原測量師行Centaline Surveyors

「疫市」減租小貼士


新冠肺炎嘅疫情下,市道開始變得低迷,部份行業更因為防疫政策而被逼停業。正所謂「手停口停」,想減輕交租嘅負擔壓力,租客唯一希望嘅就係業主可以減租,咁租客可以點做呢?


●減租疑問

好多人會困惑同疑問就係,租客究竟可唔可以喺租約期內提出減租呢?其實原則上所有嘅租客都可以向業主提出減租要求,因為租約係一份嘅協議,業主同租客可以喺有共識之下,進行減租或者免租。


●減租共識

租客可以同業主商量,可唔可以將合約上嘅租金同市價睇齊,租客可以收集單位附近最新嘅成交租金紀錄,同留意同區租金水平走勢。將同條件嘅租盤租金作比較,向業主提出減租,就可以更加說服力,容易達成減租共識。


●新租約「打釐印」

當業主同租客達成一個減租嘅共識,進行減租。雙方都要以「白紙黑字」紀錄,避免之後出現混亂或者糾紛。如果係有條件性嘅減租,要將內容寫返入租約,更新租約上嘅租金。最後業主要為新租約「打釐印」,保障雙方嘅利益。


●唔好威脅業主

租客同業主商議減租嘅過程中,唔好用任何方式威脅業主,例如破壞單位、欠租、租約期滿後霸佔單位等方式,強逼業主減租或者免租。其實根據《業主與租客(綜合)條例》,如果租客未係租金到期日交租,業主就已經可以終止雙方嘅租務關係,同時可以向土地審裁處申請收回單位物業。


以上就係「疫市」減租嘅小貼士同注意事項啦!中原測量師行租務管理服務,可以解決業主同租客嘅爭拗,亦可以幫助業主、收租、追租、收樓等,減少業主嘅煩擾。我哋更有提供租金保障同財物保險等服務,詳情可致電免費諮詢熱線(852)2139 6698向中原測量師行租務管理服務查詢。



----------------------------------------------

歡迎致電:(852) 2139 6698

Whatsapp:(852) 5110 7006

電郵:tenancy@mail.centanet.com查詢

0 次瀏覽

本網頁所提供資料僅作參考用途。若因錯漏而引致任何不便或損失,中原測量師行概不負責。

© 2020 中原測量師行有限公司

版權所有 不得轉載

地產代理(公司)牌照號碼 C-002184

中原集團成員

私隱政策聲明和收集個人資料聲明 | 免責聲明

中原測量師行Centaline Surveyors

香港北角英皇道260號怡安中心7樓全層

21396622

valuation估價